Vazhdon infektimi i lojtarëve te Interi, Achraf Hakimi rezulton pozitiv me coronavirus

17:46 | 21 Tetor 2020
A. B.

Achraf Hakimi ka rezultuar pozitiv në testin për COVID-19 dhe do të humbas sonte (e mërkurë) ndeshjen e Interit në Ligën e Kampionëve kundër Borussia Monchengladbach.

Sipas një raporti të Sky Sport, testi që iu nënshtrua ish-ylli i Borussia Dortmund përpara ndeshjes së Interit në Ligën e Kampionëve u kthye pozitiv, prandaj Antonio Conte do të duhet të bëjë pa 21-vjeçarin.

Edhe klubi italian disa minuta më vonë ka konfirmuar infektimin e mbrojtësit të djathtë me coronavirus.

Hakimi tani do të vihet në karantinë për të paktën 10 ditë dhe do të kthehet në veprim pasi të ketë test negativ për virusin.

Alessandro Bastoni dhe Radja Nainggolan ishin të infektuar, por tashmë janë shëruar ndërsa Ashley Young është ende pozitiv pas testimeve të sotme.

Roberto Gagliardini, Ionut Radu dhe Milan Skriniar janë gjithashtu pozitivë me coronavirus. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm